logo

Velkomen til Kalven Seter!

No gler vi oss til ein stemningsfull og triveleg julemarknad på Kalven Seter 2. og 3.desember! Utstillarane som har meldt seg på, har mykje fine produkt som varmar både innapå og uttapå:-). Her får du kjøpt strikka klede, skiferprodukt, sesongkort i skiheisen, julegavekort hjå Lemonsjø Alpinsenter, aquavit,- røykt og urtemarinert fisk, tøffe klede og ting frå Villa Fmx, lokal bakst, nybrent julekaffe, julete, heimelaga drops og fersk cd-plate av Vegard Vårdal, flotte vevnader, såper, einekranser, nisser, julepynt og mykje meir! På julemarkedet kan du og kjøpe gavekort på massasje til  dei du er glad i. Les meir om massasje på Kalven nedanfor:

 Er du stiv og støl i kroppen, eller berre treng å mjuke opp skrotten litt? I juli og august er Massasjeterapeut og Friskvernskonsulent Unni Høiby å finne på Kalven Seter! Bestill deg ein massasjetime hjå Unni! Massasjen får du inne i det gamle seterhuset frå 1860! Du ligg på ein massasjebenk inne i det gamle ostelageret og ser utover Lemonsjøen, omkransa av lune tømmerstokkar, levande ljos og stillheit! Bestill time hjå Unni direkte: 90871734, eller hjå Kalven Seter: 976 26 554.

Les om oss i VG: http://www.vg.no/forbruker/reise/reiselivsnyheter/bytter-ut-byen-med-gaardsliv-i-hoestferien/a/23306102/

Ynskjer du å arrangere møte, lag eller andre samenkomstar utanom opningstid, ta kontakt for ein prat, så ser vi kva vi kan få til! Tlf: 976 26 554.

Kalven Seter ligg i sørenden av Lemonsjøen, mellom Lemonsjø Fjellstue og Lemonsjø Alpinsenter.  
Frå Fjellstua kan du gå til Kalven: Kryss rv. 51 på motsatt side av Fjellstua og følg gangvegen til Kalven Seter. Du kan og parkere bilen på parkeringsplassen nedanfor låven på Kalven, eller ved skiheisen.

Les om oss på Hanen: www.hanen.no